धीरता वामता सूक्ष्ममेधालीभिः प्रबोधिता ।
त्वरयन्ती सखीर्याने भङ्ग्या परिजहास सा ॥ ५१ ॥
dhīratā vāmatā sūkṣma-medhālībhiḥ prabodhitā |
tvarayantī sakhīr yāne bhaṅgyā parijahāsa sā || 51 ||
Śrī Rādhā, whose firmness, contrariness and keen intelligence are understood by the sakhīs, began to banter with them as they encouraged her to go see Kṛṣṇa. (Govinda-Līlāmṛtam 8.12)
पश्यताग्रे दिदृक्षा चेद्गत्वालं मदपेक्षया ।
शैब्या वाग्वागुराबद्धं कृष्णसारं मृगेक्षणाः ॥ ५२ ॥
paśyatāgre didṛkṣā ced gatvālaṁ mad-apekṣayā |
śaibyā vāg-vāgurā-baddhaṁ kṛṣṇa-sāraṁ mṛgekṣaṇāḥ || 52 ||
“O doe-eyed ones! If you want to see him, you do not need to wait for me. Just go ahead and you will see that the black deer has been snared by Śaibyā’s net of words. (Govinda-Līlāmṛtam 8.13)
विधेयः पद्मिनीनां वः प्रयत्नः कृष्णपद्मिनः ।
चन्द्रावलीसखीवारी-पतितस्य समुद्धृतौ ॥ ५३ ॥
vidheyaḥ padminīnāṁ vaḥ prayatnaḥ kṛṣṇa-padminaḥ |
candrāvalī-sakhī-vārī-patitasya samuddhṛtau || 53 ||
“The Kṛṣṇa elephant has fallen into the trap of Candrāvalī’s sakhī, so you beautiful girls must surely try to rescue him. (Govinda-Līlāmṛtam 8.14)
न हठात् क्रियते सुपण्डितै-
रविचारात् कृतमप्यनर्थकम् ।
सुविचार्य कृतं हि कल्पते
सुधियां साधुफलोपपत्तये ॥ ५४ ॥
na haṭhāt kriyate supaṇḍitair
avicārāt kṛtam apy anarthakam |
suvicārya kṛtaṁ hi kalpate
sudhiyāṁ sādhu-phalopapattaye || 54 ||
“The wise perform no work in haste; work done without proper deliberation is useless. They only perform an action after careful consideration and thus receive good results.” (Govinda-Līlāmṛtam 8.15)
ललिताह सत्यमेतद्यन्न सङ्केतगो हरिः ।
किन्तु शैब्यादिभिर्वीतस्तद्यानं मानहानये ॥ ५५ ॥
lalitāha satyam etad yan na saṅketa-go hariḥ |
kintu śaibyādibhir vītas tad-yānaṁ māna-hānaye || 55 ||
Lalitā replied, “What you say is true; Hari is not going to the meeting place. He has gone with Śaibyā and her friends. Going to see him now might result in loss of honor.” (Govinda-Līlāmṛtam 8.16)
अथेशा कृष्णसङ्गाशोत्कलिका-व्याकुलान्तरा ।
तस्य दुर्लभता स्फूर्त्या मनस्येतदचिन्तयत् ॥ ५६ ॥
atheśā kṛṣṇa-saṅgāśotkalikā-vyākulāntarā |
tasya durlabhatā sphūrtyā manasy etad acintayat || 56 ||
Though eager and anxious to be with Śrī Kṛṣṇa, Śrī Rādhā realized how difficult that might be to accomplish, so she gave it some thought. (Govinda-Līlāmṛtam 8.17)
ननन्दा विद्वेष्ट्री पतिरतिकटुः सापि कुटिला
धवाम्बा मे पद्माप्रभृति-रिपुपक्षश्च बलवान् ।
वनं व्याप्तं सर्वं व्रजधनजनैरह्नि सखिभिर्
वृतः कृष्णो लभ्यः कथमिह भवेद्विघ्नबहुले ॥ ५७ ॥
nanandā vidveṣṭrī patir atikaṭuḥ sāpi kuṭilā
dhavāmbā me padmā-prabhṛti-ripu-pakṣaś ca balavān |
vanaṁ vyāptaṁ sarvaṁ vraja-dhana-janair ahni sakhibhir
vṛtaḥ kṛṣṇo labhyaḥ katham iha bhaved vighna-bahule || 57 ||
“My sister-in-law is always against me, my husband speaks harshly and my mother-in-law is deceitful. Padmā and the other girls in the rival party are powerful. Vraja’s cows and people are spread throughout the forest during the daytime and Kṛṣṇa is always surrounded by his friends. With so many obstacles, how will I get Kṛṣṇa? (Govinda-Līlāmṛtam 8.18)
निष्प्रत्यूहं हरेः सङ्गो दुर्लभो मेऽद्य दुर्विधेः ।
इत्याकुलधियस्तस्याः शुभासीच्छकुनोन्नतिः ॥ ५८ ॥
niṣpratyūhaṁ hareḥ saṅgo durlabho me’dya durvidheḥ |
ity ākula-dhiyas tasyāḥ śubhāsīc-chakunonnatiḥ || 58 ||
“Because of my misfortune, it has become difficult to meet freely with Hari today.” As she was thus anxiously thinking, an auspicious omen then appeared. (Govinda-Līlāmṛtam 8.19)
सुलभो वृषभः स गिरौ कमपि
प्रसभं गणको बहिरित्यवदत् ।
निजवामकुचोरुभुजानयनं
प्रियसङ्गतयेऽस्फुरदाशु समम् ॥ ५९ ॥
sulabho vṛṣabhaḥ sa girau kam api
prasabhaṁ gaṇako bahir ity avadat |
nija-vāma-kucoru-bhujā-nayanaṁ
priya-saṅgataye’sphurad āśu samam || 59 ||
An astrologer outside told someone loudly that “the bull will be easily found on the mountain.” When she heard this, her left breast, thigh, arm and eye immediately began to quiver simultaneously: an omen that she would meet with her beloved. (Govinda-Līlāmṛtam 8.20)
भविक-शकुनजातामोदपूर्णापि गाढ-
प्रणय-विसरजासम्भावना-लीनचित्ता ।
हृदयदयित-वार्त्ताप्राप्तितृष्णा-स्रवन्त्या
सममहह धनिष्ठामागतां सा ददर्श ॥ ६० ॥
bhavika-śakuna-jātāmoda-pūrṇāpi gāḍha-
praṇaya-visarajā-sambhāvanā-līna-cittā |
hṛdaya-dayita-vārttā-prāpti-tṛṣṇā-sravantyā
samam ahaha dhaniṣṭhām āgatāṁ sā dadarśa || 60 ||
Though the auspicious omen filled Śrī Rādhā with joy, her mind was clinging to doubts born of her powerful love. But ah, then Śrīmatī saw Dhaniṣṭhā arrive as if by way of her own river of thirst for news of Kṛṣṇa. (Govinda-Līlāmṛtam 8.21)
No comments:
Post a Comment