BSS Prātaḥ 13

अत्रान्तरे प्रतिदिशं दधिमन्थनोत्थ-रावैरवारित-महीसुर-वेदघोषैः ।

हम्बाध्वनि-व्यतिविधान-मिथोऽवधायि-धेन्वालि-तर्णकघटा वलदन्तरायैः ॥ १३ ॥

atrāntare pratidiśaṁ dadhi-manthanottha-rāvair avārita-mahīsura-veda-ghoṣaiḥ |

hambā-dhvani-vyatividhāna-mitho’vadhāyi-dhenvāli-tarṇaka-ghaṭā valad antarāyaiḥ || 13 ||

     Throughout the village, the sounds of people churning milk began to rise, while the local brāhmaṇas chanted Vedic mantras. Their loud chanting interfered with the cows who were calling for their calves, so the cows and calves mooed louder and louder. (Kṛṣṇa-Bhāvanāmṛtam 3.10)

BSS Prātaḥ 12

अन्या व्यधत्त सुमनाः सुमनोभिरेव चित्रैः किरीट-कटकाङ्गद-हार-काञ्चीः ।

जाती-लवङ्ग-खदिरादिभि रज्यमानाः काचिद्बबन्ध सुरसाः फणिवल्ली-वीटीः ॥ १२ ॥

anyā vyadhatta sumanāḥ sumanobhir eva citraiḥ kirīṭa-kaṭakāṅgada-hāra-kāñcīḥ |

jātī-lavaṅga-khadirādibhi rajyamānāḥ kācid babandha surasāḥ phaṇivallī-vīṭīḥ || 12 ||

     Another cheerful kiṅkarī fashioned a crown, bangles, necklaces and a sash out of fresh, multicolored flowers. Someone else lovingly prepared delicious tāmbūla (pāna) from nutmeg, cloves, catechu and other savory substances. (Kṛṣṇa-Bhāvanāmṛtam 3.9)

BSS Prātaḥ 11

पूर्वेद्युरंशुक-मणिमय-भूषणानि मृष्टानि यत्र निहितान्यथ संपुटं तत् ।

उच्चैर्झणद्वलयराजि समुद्घटय्य काचिज्जघर्ष विधु-कुङ्कुम-चन्दनानि ॥ ११ ॥

pūrvedyur aṁśuka-maṇimaya-bhūṣaṇāni mṛṣṭāni yatra nihitāny atha saṁpuṭaṁ tat |

uccair jhaṇad-valaya-rāji samudghaṭayya kācij jagharṣa vidhu-kuṅkuma-candanāni || 11 ||

     The previous day, one mañjarī had cleaned and placed within a chest Rādhā’s fine dress and jeweled ornaments. Now, with bangles jingling, she opened the chest for a look and then began to grind camphor, kuṅkuma and sandalwood. (Kṛṣṇa-Bhāvanāmṛtam 3.8)

BSS Prātaḥ 10

एका ममार्ज मणि-काञ्चन-भाजनानि काचित् पयः समययोग्यमुपानिनाय ।

चित्रांशुकापिहित-रत्न-चतुष्किकायामालम्बनीयमदधादपरोपबर्हम् ॥ १० ॥

ekā mamārja maṇi-kāñcana-bhājanāni kācit payaḥ samaya-yogyam upānināya |

citrāṁśukāpihita-ratna-catuṣkikāyām ālambanīyam adadhād aparopabarham || 10 ||

     One kiṅkarī polished golden, gem-studded vessels, while another brought water appropriate for the season (cool in summer and warm in winter). Another dāsī placed fluffy pillows upon a jeweled seat covered with colorful cloth. (Kṛṣṇa-Bhāvanāmṛtam 3.7)

BSS Prātaḥ 9

तत्रोपवेश-शयनाशन-भूषणादि-वेदीर्विमृज्य परिलिप्य विशोध्य तास्ताः ।

आस्तीर्य राङ्कवमुपर्युपयुक्त-मुक्तमुल्लोचमुन्नतमुदो मिलिता बबन्धुः ॥ ९ ॥

tatropaveśa-śayanāśana-bhūṣaṇādi-vedīr vimṛjya parilipya viśodhya tās tāḥ |

āstīrya rāṅkavam upary upayukta-muktam ullocam unnata-mudo militā babandhuḥ || 9 ||

     Here and there around the palace are raised platforms for sleeping, eating, sitting, decorating and so on. Rādhā’s kiṅkarīs carefully cleansed them with water and then smeared candana and other fragrant ointments upon them. When the platforms were dry, the mañjarīs spread soft mats made from deer fur upon them and joyfully tied pearl-strung canopies above each. (Kṛṣṇa-Bhāvanāmṛtam 3.6)

BSS Prātaḥ 8

यत्रेन्द्रनीलमणिभूर्वलभी घनाभा हंसालिरप्युपरि राजति राजती सा ।

ये वीक्ष्य बन्धुरिपुभानभृतो वितत्य सङ्कोचयन्ति शिखिनः स्वशिखण्ड-पङ्क्तीः ॥ ८ ॥

yatrendranīla-maṇi-bhūr-valabhī ghanābhā haṁsālir apy upari rājati rājatī sā |

ye vīkṣya bandhu-ripu-bhāna-bhṛto vitatya saṅkocayanti śikhinaḥ svaśikhaṇḍa-paṅktīḥ || 8 ||

     Atop Śrī Rādhā’s mansion sits a cloud-like sapphire turret crowned with a flock of radiant silver swans. When the peacocks see this bluish turret they surmise it is their friend the rain cloud, so they spread their tail feathers wide in welcome. But when they see the silver swans upon the turret they take them as their enemies and quickly withdraw their opened plumage. (Kṛṣṇa-Bhāvanāmṛtam 3.5)

BSS Prātaḥ 7

स्थूणा-प्रघाण-पटलाङ्गणतोरणाली-गोपानसी-विविधकोष्ठ-कपाटवेद्यः ।

राजन्ति यत्र मणिदीपतति-प्रदीप्त-वैचित्र्य-निर्मित-जनेक्षण-चित्रभावाः ॥ ७ ॥

sthūṇā-praghāṇa-paṭalāṅgaṇa-toraṇālī-gopānasī-vividha-koṣṭha-kapāṭa-vedyaḥ |

rājanti yatra maṇi-dīpa-tati-pradīpta-vaicitrya-nirmita-janekṣaṇa-citra-bhāvāḥ || 7 ||

     Within that magnificent palace are ornate columns, verandas, roofs with curved support beams, courtyards, arches, various kinds of rooms, doors and sitting platforms. When anyone sees this amazing building, its features illumined by rows of jeweled lamps, their eyes are bathed in wonder. (Kṛṣṇa-Bhāvanāmṛtam 3.4)

BSS Prātaḥ 6

श्वश्रू-पुरान्तरगतोत्तर-पार्श्ववर्ति-भ्राजिष्णुधाम वरशिल्पकलैकधाम ।

तातेन वत्सलतया वृषभानुनैव निर्मापितं तदुपमापि तदेव नान्यत् ॥ ६ ॥

śvaśrū-purāntara-gatottara-pārśva-varti-bhrājiṣṇu-dhāma vara-śilpa-kalaika-dhāma |

tātena vatsalatayā vṛṣabhānunaiva nirmāpitaṁ tad upamāpi tad eva nānyat || 6 ||

     Out of affection for his daughter Śrī Rādhā, Vṛṣabhānu Mahārāja had an incomparably beautiful and radiant palace constructed for her residence. Sitting on the northern side of Jaṭilā’s home, this mansion is a marvel of architectural artistry. (Kṛṣṇa-Bhāvanāmṛtam 3.3)

BSS Prātaḥ 5

ता विद्युदुद्द्युतिजयि-प्रपदैकरेखा वैदग्ध्य एव किल मूर्तिभृतस्तथापि ।

यूथेश्वरीत्वमपि सम्यगरोचयित्वा दास्यामृताब्धिमनु सस्नुरजस्रमस्याः ॥ ५ ॥

tā vidyud-uddyuti-jayi-prapadaika-rekhā vaidagdhya eva kila mūrti-bhṛtas tathāpi |

yūtheśvarītvam api samyag arocayitvā dāsyāmṛtābdhim anu sasnur ajasram asyāḥ || 5 ||

     Even a single ray of effulgence from the tips of their toes is more brilliant than a bolt of lightning. They are the embodiment of cleverness, and even though each is worthy to be a group leader,  they are completely disinterested and would rather continuously bathe in the nectarous ocean of service to Śrī Rādhā. (Kṛṣṇa-Bhāvanāmṛtam 3.2)

BSS Prātaḥ 3-4

राधां स्नातविभूषितां व्रजपयाहूतां सखीभिः प्रगे तद्गेहे विहितान्नपाकरचनां कृष्णावशेषाशनाम् ।

कृष्णं बुद्धमवाप्तधेनुसदनं निर्व्यूढगोदोहनं सुस्नातं कृतभोजनं सहचरैस्तां चाथ तं चाश्रये ॥ ३ ॥

rādhāṁ snāta-vibhūṣitāṁ vraja-payāhūtāṁ sakhībhiḥ prage

tad-gehe vihitānnapāka-racanāṁ kṛṣṇāvaśeṣāśanām |

kṛṣṇaṁ buddham avāpta-dhenu-sadanaṁ nirvyūḍha-godohanaṁ

susnātaṁ kṛta-bhojanaṁ sahacarais tāṁ cātha taṁ cāśraye || 3 ||

     I seek refuge at the lotus feet of Śrī Rādhikā. After being bathed and decorated in the early morning, she and her sakhīs are called by Mother Yaśodā to cook for Kṛṣṇa, and afterwards, they all eat the food remnants left by him. I also seek refuge from Śrī Kṛṣṇa, who wakes in the morning and goes to the cow shed to milk the cows, then returns, bathes and eats breakfast along with his dear friends. (Govinda-Līlāmṛtam 2.1)

स्नातानुलिप्त-वपुषः पुपुषुः स्वभास्तन्निर्माल्य-माल्य-वसनाभरणेन दास्यः ।

प्रास्य स्वकाममनुवृत्तिरतास्तयोर्याः श्रीरूपमञ्जरि-समान-गुणाभिधानाः ॥ ४ ॥

snātānulipta-vapuṣaḥ pupuṣuḥ svabhās tan nirmālya-mālya-vasanābharaṇena dāsyaḥ |

prāsya svakāmam anuvṛtti-ratās tayor yāḥ śrī-rūpa-mañjari-samāna-guṇābhidhānāḥ || 4 ||

     After Śrī Rādhā arrived home and fell asleep, Śrī Rūpa Mañjarī and the other kiṅkarīs bathed and anointed their bodies with candana and ointments. Then, to make themselves even more beautiful, they donned Śrīmatī’s prasādī garlands, clothing and ornaments. All of these maidservants, equal in splendor, charming qualities and good name, have long ago given up all personal desires in order to devote themselves to the loving service of Rādhā and Kṛṣṇa. (Kṛṣṇa-Bhāvanāmṛtam 3.1)